بویوک سیز قالمییاق

ناوریز بایرامینین سالامی سیزه

شادلیغیز چوخ اولا یئتیره دیزه

سالام اولسون هامی ائله طایفیا

تاری هئچ ائلی بویوک - سوز قویمییا

بویوک - قانماز اولسا ایشلر قاریشار

جاوانلاردا بیر بیرینه آتیشار

بویوک اودور یولا گله ائلینن

هر کس نن سویلشه اوننون دیلینن

قوجاینان قوجادی جاوالان جاوان

یوخسولون یانیندا چورک یر یاوان

بویوک یوخدیر تئز آرانی قاتیریخ

سحر تئزدن دوروب اوردان قاجیزیخ

تاری دان ایستیرم بیر بویوک گله

الدن قاچان کئشی قئیتره اله

حیا ، حورمت گئنه بیزه اوز وئره

بویک یول گورسده اوییت تز وئره

گئچن لر گئچدیلر قئترماق اولماز

آرخدان گئچن سو داآرخا دولماز

تاری دان ایسترم حالیز خوش اولا

حلال پول تلیسنن ائویزه دولا

دردلریز هامیسی آرادان چیخا

زوریز باسا یئکه دردلری ییخا

هر کس اوز آروادین سالا یانینا

آداخلی واقتی تک یانا جانینا

تزه ایلده رزق و روزی چوخ اولسون

ایران دشمنلری باتسین یوخ اولسون

جامال دا اوز دییارین یا ائیلدی

بیر تبریک نن گویلیزی شاد ائیلدی